TALLER A PALETA. O xogo de pintar

Andrea Borda. Asistente dos talleres de Educación Creadora Nigrán

O taller a Paleta está baseado na educación creadora de Arno Stern, a cal establece unhas condicións de relación coherentes coa natureza humana que fan posible a satisfacción das necesidades esenciais de cada persoa no seu proceso de crecemento e desenvolvemento durante toda a vida.

Estas condicións créanse ao marxe do xuízo, cando o importante non é o resultado, senón o proceso, cando se perde o concepto de ben ou mal e as persoas se permiten xogar sendo capaces de romper barreiras e desenvolverse máis do que crían ser capaces.

O papel de quen acompaña os procesos faise dende a asistencia: quen asiste, crea as condicións adecuadas nas que cada persoa pode dirixir e ser artífice dos seus procesos, atendendo a demandas concretas, sen adiantarse as necesidades de cada un e posibilitando así a investigación nun espazo colectivo sen esquecer protexer e coidar os espazos individuais das persoas.

O grupo diverso permite que se perda a comparación e a competitividade, e se crea un espazo cheo de riqueza social formado por xente segura de si e capaz de expresar.

Cando falamos de Educación Creadora non podemos falar dun método, falamos dun cambio de paradigma que se centra nas relacións e na aprendizaxe por medio da cal se crean as condicións ideais para que se produza o xogo. “Peza fundamental do desenvolvemento humano”

Aberto prazo de inscrición curso 2022 – 2023

Martes e Xoves de 18:00 h a 19:30 h.

CONTACTO 651 76 30 14

Información de interese:
http://dirayaexpresion.es/
https://arnostern.com/

Laura Mourín Castañeda
Nigrán. 1977

Cando era pequena quería ser profesora, e bailarina… ( hai que escoitar aos nenos cando son pequenos e puros e din o que queren ser de maiores).

Fixen os meus estudos no colexio e instituto e conseguín ir aprobando con esforzo e sen axuda. Máis dunha vez necesitei axuda para entender eses conceptos ás veces tan enrevesados que se deben aprender na educación regrada. Despois fun á universidade, na que empecei dúas enxeñerías e novamente me esforcei unha chea. Alí aprendín e comprendín as matemáticas, a física, e a química durante 5 anos pero non conseguín rematalas.

Nese momento comencei a dar clases de apoio escolar, axudando a nenas e nenos do colexio e do instituto a comprender os conceptos que eu conseguira entender con tanto esforzo.

Continuei os meus estudos con dous ciclos superiores, un deles de animación sociocultural, onde tiven a sorte de coñecer ao mellor profesor que tiven na miña vida, pois ensinounos cousas máis importantes que estudar e aprobar, mostrounos a maxia de aprender por paixón e a realizar proxectos en grupo, a crer en nós…aínda que el non se dese conta.

Desde o momento en que comencei a dar clases, fai 20 anos, ata agora pasei por moitas fases e aprendizaxes cos adolescentes; conectando con eles pacientemente e aprendendo a escoitalos, coñecelos, comprendelos, a descubrir os seus ritmos e a falar nunha linguaxe na que nos poidamos entender mutuamente. O espazo de confianza que se establece permítenos expresar e recoñecer os nosos erros e acertos.

Agora sei que o apoio escolar é moito máis que “ensinar” unha materia, é unha aprendizaxe mutua.

Tamén realicei varias actividades extraescolares de creación, horta e natureza, ludoteca bilingüe, ect… en colexios e asociacións. Actividades máis creativas nas que se poden observar outro tipo de habilidades e establecer outro tipo de relación coas crianzas.

Dende 2022 formo parte da cooperativa e ademais de facerme cargo do proxecto de apoio escolar imparto os talleres de repostería para nenas e nenos de 3 a 16 anos, na que traballo para que se forme un grupo de idades diversas que permita enriquecer ao grupo e aprender tamén dese intercambio, ademais de facer e comer merendas reducindo un pouco a cantidade de azucre e probando outras formas de adozar máis saudables.

Actualmente continúo formándome en cooperativismo e pedagoxías alternativas para ampliar a miña visión acerca doutra maneira de educar, traballar e relacionarse.

Andrea Borda
Bogotá. 1976

Comecei os meus estudos de arquitectura en Bogotá en 1998, o que derivou en Deseño de Interiores en Madrid (2003); buscando a humanización do espazo e a beleza de lugares públicos e /ou de encontro, convencida do cambio social que o espazo coidado produce.

En 2008, fun nai e tiven o inmenso pracer en coñecer a Nina e acompañar a súa existencia da man do meu compañeiro. En 2009, naceu nosa segunda filla, Lara, e completamente removidos e inmersos na crianza, comezamos o noso camiño de crecemento xuntos.

Comezaron os debates e sen darnos conta iniciamos unha reflexión sobre as formas de acompañar as nenas e nenos e a importancia que ten este feito a nivel social, quedando claro que cada persoa é única, capaz e ten dereito a ser tratada como o que é, un ser irrepetible.

Sentín a necesidade de compartir estas reflexións con outras familias coas que desde 2014 convivimos, observamos, debatemos e aprendemos xuntas da experiencia de acompañar ao noso grupo de nenas e nenos.

Xunto a este grupo de familias implicadas e con ganas de achegar á infancia unha crianza sá, creouse a nosa escola de adultxs, onde algúns coñecemos e outros profundamos nas pedagoxías alternativas, a educación activa e unha chea de proxectos conscientes e inspiradores para o grupo. Neste proceso, e debido ao interese que sempre me acompaña acerca do espazo e a súa relación co ser humano, a expresión e a beleza, coñecín o traballo de Arno Stern, Miguel Castro e Vega Martín, quenes me aportaron unha visión clara e honesta do significado do xogo, a aprendizaxe e a capacidade humana.

Este descubrimento levoume a facer a formación (2015) en Diraya, os obradoiros de Educación Creadora de Bilbao,onde puiden profundar acerca do que significa o xogo dende a visión de Arno Stern, grazas ao traballo de difusión de Vega Martín e Miguel Castro, que levan 25 anos traballando por transmitir as súas teorías, en formación e levándoo á práctica nos seus obradoiros de pintura, barro e movemento.

Esa necesidade de asistir o xogo das persoas expándese cando na primavera de 2018 coñezo a un grupo de mulleres coa idea de difundir o significado de xogo nun espazo coidado e para todas as persoas, comezando aquí o proceso de creación de MilRamas. Un proxecto dedicado ao acompañamento e coidado do xogo en diferentes ámbitos da vida e para todas as persoas.

Actualmente encárgome do taller de educación creadora e de coordinar e impartir os talleres itinerantes MilRamas en Galicia.

Sigo aprendendo, investigando e traballando cada día moi a gusto, tentando crecer persoalmente para poder compartir con quen me acompaña.

Os obradoiros que se ofertan en MilRamas Galicia se desenvolven nas instalacións dos coles, asociacións, empresas privadas, concellos e bibliotecas da Xunta de Galicia. A filosofía das escolas Reggio Emilia é outro dos piares que sostén o noso proxecto.

“Os cen linguaxes son unha metáfora dos extraordinarios potenciais das nenas e os nenos, os seus procesos creativos e de creación, de coñecemento, as innumerables formas coas que se manifesta a vida e se constrúe o coñecemento”

Argallando. Obradoiro de creación libre co materiais de refugallo e materiais naturais no que explorar e inventar realidades imaxinadas e mini-mundos. ( bambú, madeira, conchas, cordas, materiais non estruturados)

A Urbe. Pedagoxía urbana para a infancia – Arquitectura urbana para todas: A Urbe é un proxecto educativo co obxectivo principal de achegar o linguaxe arquitectónico e as morfoloxías urbanas a infancia, as familias e a comunidade educativa.

O Obradoiro compónese de un xogo de madeira formado por diferentes pezas que conformarían as cidades na súa evolución histórica. Pódese comparar coa contorna construída descubrindo que entender a morfoloxía das cidades é aprender a vivir nelas e decidir cómo vivir nelas.

Vagalume. Obradoiro de experimentación e investigación coas cores e a luz onde o xogo é a base fundamental. Xogamos con o retro-proyector, as mesas de luz e una chea de material axeitado para este espazo.

Horta e natureza. Espazo vivencial e de contacto coa terra, as plantas, os árbores, os bechos, espazo auga, espazo area. Un espazo propicio para comprender o coidado da natureza, dos nosos ecosistemas,da nosa contorna e da nosa saude.

Cociña para Crianzas. Con esta actividade as nenas e nenos de diversas idades entrarán en contacto co mundo da repostería, e a cociña en xeral, dende a perspectiva do xogo e a experimentación. O noso desexo é transmitirlles a paixón pola cociña.

“Se se fan cousas reais, tamén son reais as súas consecuencias”
Loris Malaguzzi Escolas Reggio Emilia

En MilRamas temos un espazo reservado para proxectos que completan e enriquecen a nosa oferta. A continuación, una das propostas para o ano 2022.

Arte a Fondo
Educación Emocional para a Igualdade
Con Alba Grande e Géles Álvarez

Cremos que educar en Igualdade implica necesariamente a Educación Emocional.

Frases como “os homes non choran”, exemplifican as etiquetas que a sociedade colga en función do sexo biolóxico, e determinan a maneira de percibirnos a nós mesmas e aomundo que nos rodea.

Con Arte A Fondo propoñemos unha viaxe de catro sesións vivenciais e de contacto, onde chegaremos a identificar as emocións sen xuízo, para poder comprendelas e acompañalas de maneira saudable.

Mediante o Xogo e as Artes convidamos a observar e reflexionar, a expresar a propia experiencia, propiciando a Escoita necesaria para o AUTO-COÑECEMENTO, A EMPATÍA E O RESPECTO Á DIVERSIDADE.

Os medios que empregamos son variados: Teatro, Pintura, Monicreques, Música, Modelado… facilitando un ambiente lúdico e creativo.

Cada sesión, adicada a unha emoción primaria, durará dúas horas, e terá lugar en catro datas distintas, acordadas de tal xeito que se favoreza a continuidade do grupo.

A nosa intención é dar espazo á evolución dunha aprendizaxe grupal, onde sexa posible escoitar o pouso das experiencias de cada sesión; e así, atender colectivamente aos aspectos máis sutís que se vaian manifestando.

Poderán participar persoas da mesma xeración, a partir de 6 anos.

O noso proxecto contempla a posibilidade de participar en feiras, encontros, congresos ou actividades programadas por outras entidades que compartan a nosa visión e filosofía, ou que queiran abrirse a novas experiencias no mundo da educación e o xogo. O noso obxectivo, ademais de difundir e dar a coñecer o noso proxecto, é crear redes con outras institucións e xerar xuntas ferramentas de cambio para que entre todas y todos podamos visualizar o verdadeiro significado do xogo espontáneo e a súa importancia para a vida das persoas.

Aquí algunhas experiencias:

XORNADAS DE EDUCACIÓN AO REDOR DA INNOVACIÓN EDUCATIVA -IGUALDADE NA ESCOLA PÚBLICA

2017 – 2018. Organizada da man das Anpas Galegas e Favalmi.

FESTIVAL PLIS PLAS 2018

Un festival urbano multidisciplinar adicado ás crianzas para reivindicar os plans de lecer en familia e a calidade dos mesmos. Espectáculos teatrais, concertos, obradoiros, contacontos, xogos, mercadillo… e unha grande cantidade de actividades gratuítas e propostas de calidade e respectuosas coa infancia.

MOSTRA DO POSIBLE CANGAS DO MORRAZO

Un encontro de organizacións da economía social que traballan en diversos ámbitos da vida cotiá construindo un mundo máis xusto e solidario.

info@mostradoposible.gal

FESTIVAL INTERNACIONAL DE TÍTERES E ARTES VIVAS DE GUADALAXARA. 2021 8ª edicion.

Titiriguada, seguindo coa súa singular idiosincrasia, aposta a creación nova e contemporánea, sempre buscando o risco, a innovación e abrindo as portas a propostas preparadas especialmente para a ocasión.