FUNCIONAMENTO DA COOPERATIVA

E cómo o facemos?

Somos unha organización horizontal e cooperamos para mellorar a nosa economía familiar ofrecendo servizos de calidade á comunidade.

Todas as decisións tomadas para o funcionamento e organización da cooperativa decídense en asemblea.

Cada unha das promotoras e socias de traballo é responsable dunha área, e todas apoian as áreas restantes das cales non son directamente responsables.

As asignacións de tarefas realízanse de acordo co documento de organización interna xerado previamente en asemblea, onde especificamos as ramas estruturais da cooperativa e a función de cada unha das socias ten (xestión – coordinadora de servizos internos – coordinadora de servizos externos).

A nivel toma de decisións interna de organización, a cooperativa, ten un consello de goberno chamado consello reitor, ademais de ter un servizo externo de asesoría e consultoría.

A política de remuneración acórdase democraticamente por un salario mensual de acordo co plan de resultados planificado para cada exercicio financeiro.

Somos membros da Unión de Cooperativas de Galicia ESPAZOCOOP, o que nos permite estar en contacto co colectivo de economía social de Galicia e estar ao día das novidades a nivel de España e dentro da Unión Europea.