METODOLOXÍA
MilRamas é un lugar diverso para compartir día a día e en crecemento, tecendo redes de diálogo e restaurando esa comunicación e escoita activa perdida entre nós, xs adultxs e as crianzas. Un lugar para a infancia, xs veciñxs, xs adolescentes, xs políticxs, xs mestrxs, as nais e pais, vos avós e avoas e xs adultxs con ganas de convivir e proxectar un Valmiñor cheo de riqueza social.
A metodoloxía de MilRamas está baseada en cinco pilares fundamentais:
XOGO LIBRE: Tendo en conta que o Xogo é a actividade máis importante de todo ser humano, creamos espazos onde os nenos e as nenas elixen con quen e onde xogar, relacionándose e ideando as súas propias actividades. Isto lévalles a aprender por sí mesmxs, a expresarse e a explorar o que os seus intereses lles ditan, no espazo interior e exterior de forma libre e autónoma. Son elxs quen en liberdade constrúen o seu propio mundo e permítelles atoparse coa súa verdadeira deriva persoal.
ACOMPAÑAMENTO RESPECTUOSO: As persoas que acompañamos o proceso de aprendizaxe dxs nenxs, (ou sexa, o seu Xogo) facémolo dende a asistencia, sen xulgar nin crear expectativas.
Respectamos os seus ritmos e estamos presentes, de maneira que a confianza que se xera no espazo, fortalece as relacións e crea vínculos de amor e respecto moi sólidas para quen acompaña e para quen é acompañadx.
ESCOITA ACTIVA: partindo de que as palabras forxan a nosa realidade, poñemos un especial coidado coa linguaxe empregada no espazo, seguindo os principios da psicoloxía humanista, a cal posúe tres principios fundamentais: a singularidade, que considera ao ser humano como único e irrepetible; a autonomía, desenvolvendo na persoa a capacidade de elixir e facer con responsabilidade; e para rematar, a apertura, utilizando a comunicación e o diálogo como ferramentas eficaces para unha sa convivencia, construíndo unha cultura de paz e fortalecendo a democracia como modelo de sociedade. Respectamos profundamente os procesos de aprendizaxe de cada unha das persoas.
ESPAZO PREPARADO: constatamos que para que se produza o xogo é fundamental xerar as condicións para que este suceda. É por iso que en MilRamas lle damos tanta importancia ao espazo arquitectónico e á contorna como lugares que acompañan o desenvolvemento das persoas. O ambiente que propoñemos e coidado, ordenado, non dirixido e co material adecuado para investigar. Temos a disposición das persoas materiais naturais e non estruturados que permitan á natureza entrar no espazo e/ou estender o espazo ao xardín, fusionando interiorexterior coma se fosen un. A conexión coa natureza é continua e sucede no momento en que as crianzas e adultxs o precisen.
COMUNIDADE DE APRENDIZAXE: MilRamas aposta por un espazo de encontro, autocoñecemento, intercambio e reflexión profunda achega das maneiras de ver a infancia e comunicar con ela. Partimos dun espazo común onde poder xogar, relacionarnos e despregar a capacidade creadora que todxs levamos dentro. É necesario crecer acompañadxs para sentir que somos capaces e que temos un lugar no mundo dende a aceptación da diferenza.
Buscamos un espazo para o debate do cotián e o social, onde dar voz á infancia, á vellez illada, á adolescencia incomprendida en base a socializar na diversidade e o respecto, partindo do coidado individual e favorecendo o desenvolvemento persoal por medio do xogo, con experiencias reais e espontáneas que nos permitan vencer o medo e abrir camiños cara a unha sociedade sa e con sentido común. Cubrimos a necesidade social dun espazo de relacións e aprendizaxes.
Buscamos a creación de redes de apoio dentro dun espazo común coidado e acompañado por persoas con experiencia e en formación continua.
ÉTICA ECOLÓXICA: o noso obxectivo a nivel ambiental é concienciar sobre os residuos que xeramos e como podemos reciclar-reutilizar de xeito consciente e creativo. Ademais, queremos construír unha plataforma de mediación entre a industria a nivel local, administración e veciños, que abra unha vía de comunicación e intercambio de recursos, de maneira que poidan beneficiarse todxs dunha actividade conxunta. Obradoiros para a cidadanía e para todas as idades nos que biólogxs, campesiñxs, forestais, comunidades de montes, escola pública e todas as persoas que traballen por mellorar a nosa contorna natural e co desexo de compartir o seu saber.
Un dos pilares da filosofía de Reggio Emilia é a sensibilidade medioambiental e levárono á práctica non só no día a día dos espazos educativos, senón a nivel comunitario a través da implicación das empresas da rexión. REMIDA , centro de reciclaxe creativo, consegue levar á práctica o tema da reutilización do que para algúns xa son residuos, cousas inútiles, para darlles de novo vida a través da participación da infancia con estes materiais, convertíndoos en parte das súas creacións artísticas, obxectos reconvertidos en materiais didácticos e/ou materiais para o xogo libre dxs nenxs.
Inspiradas no seu labor, potenciamos o traballo con empresas que nos cedan o seu material de refugallo, o cal nos permite, ademáis de construír e deseñar o noso propio mobiliario e material didáctico, desenvolver obradoiros de xogo e exploración no noso espazo.
“Se se fan cousas reais, tamén son reais as súas consecuencias”
Loris Malaguzzi.
Séguenos
MilRamas S. COOP. GALEGA